26, మే 2010, బుధవారం

చిలకలగూడ కల్లు కాంపౌండు లో "ఆయాన్ రాండ్"


స్కూలు చదువు అచ్చిరాని జానీ ,ఆటోడ్రైవరుగా మారి..తన ఆటో మీద ఆయాన్ రాండ్,నీషే కోటేషన్లు తగిలించి చిలకలగూడ టూ చింతలబస్తీ వయా చిక్కడపల్లికి జనాలను తర్జుమా చేస్తుంటాడు..అలా ఆటోజానీ మీద నాకు శ్రద్ధపెరిగి అలాఅలా ఆయాన్ రాండ్ మీదికి ఆసక్తి మళ్ళి "ది ఫౌంటెన్ హెడ్" చదివే వరకెళ్ళింది..ఆపై ఆయాన్ రాండ్ చిత్రం వేసే ద్రుశ్యం నాకు రానే వచ్చింది..
"కాలేజి కరిక్యులం మీద ఆయాన్ రాండ్ ప్రభావం" అన్న ఆర్టికల్ కోసం ఒ అమెరికా మ్యాగజిను ఫ్యాకల్టి ఎడిటరు కం ప్రొఫెసరు "You are incredibly talented." అంటూ ఇరవైవేల రూపాయలకు నే గీసిన అయాన్ రాండ్ బొమ్మని వన్ టైము కాపీ రైటు కింద బేరం చేసి ఎగరేసుకుపోయాడు[డిజిటల్ బొమ్మ కాబట్టి డిమాండు,సాంప్రదాయ చిత్రకళకు వాడిచ్చే రూకలకు నూకలుకూడా రావు..పైగా ఆ కళ నాకు రాదు..థాంక్ గాడ్!] క్రెడిట్ లైను కింద నా "బ్లాగో"తం.."వెబ్"చారం కూడా అచ్చేసి మ్యాగజిన్లు మా ఇంటికి బట్వాడ చేస్తానని మెయిల్లో సెండాడు.
ఆ డబ్బుల్తో ఆటోజానీ కి తన అడ్డా చిలకలగూడ కల్లు కాంపౌండు లో కాళ్ళషోర్వ,బోటి పేగుల్తో ఓ భారీ దావత్ నేను ఇవ్వకుంటే ఈ టపాకు అర్థమే లేదు.
"ఆయాన్ రాండ్__ఆటోజానీ" కోసం నా ఆంగ్లబ్లాగు నొక్కండి.
అన్నట్టు ఆయాన్ రాండ్ కొటేషను ఇచ్చట నేను కొట్టేసెను.
"Money demands that you sell, not your weakness to men's stupidity, but your talent to their reason. "

1 కామెంట్‌: